ປື້ມອ່ານທີ່ວາງຈຳໜາຍໃນທ້ອງຕະຫຼາດ
ຄຳເຫັນຂອງຜູ້ຂຽນ
ປື້ມ "ສຸດຍອດສູດລັບຮຽນເກັ່ງ" ຈັດທຳຂື້ນໂດຍໄດ້ຮັບອະນຸຍາດຈາກກະຊວງຖະແຫຼ່ງຂ່າວ-ວັດທະນະທຳ, ກົມພີມຈຳໜ່າຍສະບັບເລກທີ່ 210/ພຈ07 ລົງວັນທີ 12/12/2007 ໂດຍມີເປົ້າໝາຍ ເລັ່ງໃສ່ກຸ່ມນັກຮຽນ ແລະ ນັກສຶກສາທຸກຄົນທີ່ຕ້ອງການເປັນນັກຮຽນທີ່ເກັ່ງ.
ໃນປື້ມຫົວນີ້ຈະແນະນຳ,ວິທີການ,ເຕັກນິກພ້ອມທັງສູດລັບທັງຫຼາຍມາເຜີຍແຜ່ໃຫ້ຮູ້ເຊິ່ງທຸກຄົນສາມາດເປັນຄົນທີ່ຮຽນເກັ່ງໄດ້.
ເພຶ່ອບັນລຸເປົ້າໝາຍການຮີບໂຮມເອົາເນຶ້ອໃນຂໍ້ມູນທີ່ສຳຄັນມາໃສ່ປື້ມຫົວນີ້,ທາງທີມງານຂອງພວກເຮົາໃຊ້ເວລາເຖິງ 2ປີ ກວ່າເພຶ່ອ ໃຫ້ໄດ້ເນື້ອ ໃນທີ່ຄົບຖ້ວນສົມບູນ ແລະ ສາມາດພີມອອກມາຈຳໜ່າຍ. ແຕ່ຂ້າພະເຈົ້າກໍ່ໂຊກດີທີ່ໄດ້ທີມງານທີ່ມີຄວາມຮັບຜິດຊອບສູງຈິ່ງເຮັດໃຫ້ບັນລຸເປົ້າໝາຍດັ່ງກ່າວໄດ້.ດັ່ງນັ້ນຂ້າພະເຈົ້ຂໍຂອບໃຈມາຍັງທ່ານນາງ ມະນີກາ ນວນສະຫວັນຜູ້ວາງແຜນໃນການຈັດພີມ,ທ່ານ ວິໄລລັກ ບູລົມຜູ້ແກ້ເນື້ອໃນ,ທ່ານ ນາງ ດາລາວັນ ສໍພາບມີໄຊຜູ້ພີມ ແລະ ດັດແປງເນື້ອ ໃນຄຳເວົ້າຕ່າງໆ,ທ່ານ ທອງຄຳໂນມະນີສອນ ແລະ ທ່ານນາງ ທິບດາພອນປາຖາໜາຜູ້ຕົບແຕ່ງ ແລະດັດແປງຮູບພາບ,ທ່ານ ບຸນຊູ ຜູ້ກວດແກ້ ສຸດທ້າຍ,ທ່ານນາງ ດາວວອນ ອິນທະດາລິນ ບັນນາທິການ.ແລະ ພິເສດທີ່ສຸດ ແມ່ນຂໍຂອບໃຈເປັນຢ່າງສູງມາຍັງທ່ານ ກະວິນ ກຽງຄຳສົນນີ ຮອງ ຫົວໜ້າກົມພີມຈຳໜ່າຍ,ກະຊວງທະແຫຼງຂ່າວ-ວັດທະນະທຳທີ່ໃຫ້ຄຳຮ່ວມ ແລະ ອະນຸມັດໃຫ້ຈັດພີມປື້ມຫົວນີ້ຂື້ນ.
ທ້າຍນີ້ຂ້າພະເຈົ້າໃນນາມຜູ້ຂຽນຫວັງຢ່າງຍິ່ງວ່າປື້ມຫົວນີ້ຈະຊ່ວຍນຳພານັກຮຽນ-ນັກສຶກສາ ຜູ້ທີ່ມີຄວາມຕັ້ງໃຈໃນການຮຽນເພຶ່ອໃຫ້ກາຍເປັນທີ່ມີຄວາມຮູ້ ແລະຮຽນເກັ່ງຫຼືຜູ້ໃດຮຽນເກັ່ງຢູ່ແລ້ວກໍຍິ່ງເກັ່ງຂຶ້ນກ່ວາເກົ່າອີກ
ຂໍຈອບໃຈ
ປະຫວັດຫຍໍ້
ທ່ານ ອາຈານ ຄຳພັດ ບູລົມ ຜູ້ອຳນວຍການສູນຝຶກອົບຮົມແທັກໂດ ພ້ອມທັງ ເປັນຜູ້ຂຽນປື້ມເຫຼັ້ມນີ້.
ດ້ານການສຶກສາ: ຮຽນຈົບປະລິນຍາຕີສາຍຄູພາສາອັງກິດຈາກມະຫາວິທະຍາໄລແຫ່ງຊາດ(ດົງໂດກ),ໄດ້ໃບປະກາດບໍລິຫານທຸ ລະ ກິດຈາກວິທະຍາໄລແຄມໂບທາວ ປະເທດອັອສເຕຣເລຍ, ອະນຸປະລິນຍາໂທການເງິນການທະນາຄານມະ ຫາວິ ທະຍາໄລຊິດນີ ປະເທດ ອັອສເຕຣເລຍ,ປະລິນຍາໂທດ້ານບໍລິ ຫານພາກລັດຈາກສາຖາບັນພັດທະນາບໍລິຫານ ສາດຈາກປະເທດໄທພ້ອມທັງໄດ້ຮັບໃບປະກາດກວດສອບບັນຊີຈາກກະຊວງການເງິນປະເທດລາວ.
ດ້ານປະສົບການ: ມີປະສົບການໃນານບໍລິຫານວຽກງານຂອງບໍລິສັດທັງພັກລັດ ແລະ ເອກະຊົນພາຍໃນ ແລະຕ່າງປະເທດມາເຖິງ 16ປີ.ນອກນັ້ນຍັງຮ່ວມງານກັບອົງການຂອງສາກົນເຊັ່ນ: UN, UNICEF, ທະນາ ຄານ ADB ແລະ ທະນາຄານໂລກ.ຂະນະດຽວກັນ,ກໍໄດ້ເປັນທີ່ປຶກສາໃຫ້ຫຼາຍບໍລິສັດພາຍໃນ ແລະ ຕ່າງປະ ເທດເຊັ່ນ: ປະກັນໄພ CMG, ອິສະລາແອວເທເລຄອມ,ຮັນເຊັນເທຣດດິ້ງ ແລະ ອື່ນໆອີກ.ນອກນັ້ນຍັງໄດ້ເປັນ ຄູຝຶກບໍລິຫານ ປະຈຳອົງການ MPDF ຂອງທະນາຄານໂລກ,ເປັນຄູຝຶກປະຈຳສູນແທັກໂດນັບແຕ່ປີ 2002 ເປັນຕົ້ນມາພ້ອມທັງ ເຮັດທຸລະກິດສ່ວນຕົວຈົນຮອດປະຈຸບັນ. ການຮຽນໜັງສືນັ້ນ ນັບວ່າມີຄວາມສຳຄັນກັບຊີວິດຫຼາຍ ບໍ່ແມ່ນວ່າຮຍນຈົບ ການສຶກສາຊັ້ນມໍປາຍ ເທົ່ານັ້ນ, ແຕ່ ໝາຍເຖິງການຮຽນຮູ້ຕະຫຼອດຊີວິດ. ແຕ່ການຮຽນຮູ້ສຳລັບ ຫຼາຍຄົນນັ້ນເປັນເລຶ່ອງທີ່ຍຸ້ງຍາກ ແລະ ທໍລະ ມານຫຼາຍ ຈົນເຮັດໃຫ້ຕົວເອງບໍ່ສາມາດຮຽນຈົບໄດ້, ບາງຄົນຮຽນຈົບ ແຕ່ບໍ່ສາມາດເສັງເພື່ອ ເຂົ້າຮຽນຕໍ່ໄດ້.
ເຄີຍສັງເກດຫຼືບໍ່ວ່າ ບາງຄອບຄົວຮຽນເກັ່ງໝົດເຮືອນ, ສ່ວນບາງຄອບຄົວກໍ່ຮຽນບໍ່ຄອຍເກັ່ງໝົດ ເຮືອນ, ຫຼາຍ ທ່ານອາດຄິດວ່າເປັນຍ້ອນກຳມະພັນ(ຊາດກຳເນີດ), ກໍ່ອາດຈະມີສ່ວນຖຶກຢູ່ ແຕ່ເປັນເຫດຜົນ ສ່ວນໜ້ອຍເທົ່ານັ້ນ ແຕ່ສາຍເຫດຫຼັກທີ່ເຮັດໃຫ້ຄົນເຮົາມີຄວາມສາມາດໃນການຮຽນໜັງສືໄດ້ແຕກຕ່າງກັນກໍ່ຄື:“ສູດລັບໃນການຮຽນເກັ່ງ“.
ຫຼາຍຄົນອາດຄິດວ່າມີຢູ່ບໍສູດລັບໃນການຮຽນເກັ່ງ? ເຮົາກໍ່ຢືນຢັນວ່າມີແນ່ນຶນປື້ມຫົວນີ້ ຈະເປີດເຜີຍສູດໃນການ ຮຽນເກັ່ງ, ຄືການເປີດເຜີຍສູດລັບໃນການຫຼີ້ນ, ກິນ ແລະ ຮຽນ.
ຂໍໃຫ້ທ່ານໜັງສືຫົວນີ້ຢ່າງເຕັມໃຈ ຫາກເປັນໄປໄດ້, ຢາກໃຫ້ອ່ານຫຼາຍໆຮອບເພາະວ່າ ທ່ານໄດ້ຕັ້ງໃຈອ່ານ ໜັງສືຫົວນີ້ເຊິ່ງເປັນກະແຈ
ດອກສຳຄັນທີ່ຈະເຮັດໃຫ້ທ່ານ ຮຽນເກັ່ງ, ຖ້າເກັ່ງແລ້ວ ກໍ່ຈະເໝຶອນທ່ານໄດ້ກະແຈທີ່ຈະເປີດປະຕູໂລກຂອງຄົນ ຮຽນເກັ່ງໄດ້.
ປື້ມຫົວນີ້ເປັນປື້ມສຳລັບອ່ານເສີມ ແລະ ເໝາະສົມສຳລັບນັກຮຽນ, ນັກສຶກສາ, ເພື່ອສະຫງວນໄວ້
ເປັນແມ່ແບບໃນການຮຽນໃຫ້ເກັ່ງສະເພາະຕົວ.
ຂອງຂວັນອັນລໍ້າຄ່າ ຂຸມຊັບແຫ່ງປັນຍາ ຢາກຮຽນເກັ່ງຕ້ອງມີເຂັດລັບ
ປື້ມ “ນີ້ລະຄື...ເພື່ອນຂອງຂ້ອຍ”
ຄວາມເປັນມາຂອງການຂຽນປື້ມ
ຂ້າພະເຈົ້າມີໂອກາດໄດ້ ພົບເຫັນຫລາຍຄົນທີ່ມີເພື່ອນທີ່ດີ, ທີ່ດີປານກາງ,ເພື່ອນບາງຄົນກໍ່ດີໜ້ອຍ.ແຕ່ມີບາງທ່ານໃຫ້ນິ
ຍາມວ່າ: ຄຳວ່າເພື່ອນ ແມ່ນມີຄວາມໝາຍຍາວຍາວເກີນບັນຍາຍ. ເພື່ອນທີ່ດີຄືຄົນທີ່ຫວ່ງໄຍເຮົາ, ຈິງໃຈ, ຫັວງ ດີຕໍ່ ເຮົາສະເໝີ, ແລະບໍ່ເຄີຍຖີ້ມປະ ກັນເຖິງແມ່ນວ່າເພື່ອນ ອີກ ຄົນຈະຕົກຢູ່ໃນສະພາບມີບັນຫາຫລາຍກໍ່ຕາມ, ຄວາມຈິງແລ້ວເພື່ອນມີຢູ່ທຸກແຫ່ງຫົນ ແລະ ຄຳວ່າ ເພື່ອນ ແມ່ນມີທຸກແຫ່ງຫົນ ໂດຍບໍ່ຈຳແນກ: ອາຍຸ, ເພດ, ຖານະເງິນຄຳ, ຖານະ ທາງ ອຳນາດ, ໜ້າຕາ, ຄວາມສົມບູນ ຂອງຮ່າງກາຍ, ຫລືສາດສະໜາ.ເພື່ອນນີ້ມີຂື້ນຢູ່ ທຸກບ່ອນເຊັ່ນ: ໃນຄອບຄົວ: ພໍ່, ແມ່ ຫລື ຜູ້ປົກຄອງ ກໍ່ເປັນ ໝູ່ເພື່ອນກັບ ລູກໆ, ຫລານໆໄດ້, ເພື່ອສ້າງຄວາມສຸກ ແລະຄວາມອົບ ອຸ່ນພາຍໃນຄອບຄົວ ແລະ ລຸດບັນຫາຂອງເດັກໃນສັງຄົມ ເຊັ່ນ: ບັນຫາຢາ ເສດຕິດ.
ທ່ານທຸກຄົນທີ່ມີເພື່ອນດີແລ້ວ ຈົ່ງຮັກສາໄວ້ດັ່ງ ຄຳສຸພາສິດໃນປື້ມຫົວນີ້ໄດ້ ເວົ້າວ່າ: ເພື່ອນແຫ່ງເກົ່າ ແຫ່ງດີ, ນອກນັ້ນ, ເຮົາກໍ່ຕ້ອງຂະຫຍາຍໃຫ້ ໄດ້ເພື່ອນດີເພີ້ມ ໄປເລື້ອຍໆ. ເພາະຊີວິດນີ້, ຈະມີຄວາມສຸກ ຂື້ນຖ້າທີ່ເປັນເພື່ອນດີໃຫ້ກັບເພື່ອນ ກ່ອນ, ແລ້ວເພື່ອນເຮົາກໍ່ຈະດີກັບຄືນມາ.
ມີຫລາຍຄົນໃນປະຈຸບັນມີຄວາມຮັ່ງມີຂື້ນ, ມີຕ່ຳແໜ່ງໃນໜ້າທີ່ສູງຂື້ນ, ຫລືມີຖານະສູງຂື້ນ ພັດມັກລືມ ຄົນເບື້ອງຫຼັງແລະ ຄົນທີ່ເຄີຍເປັນ ເພື່ອນຮັກ ຂອງຕົນ. ບາງເຫດການເຊັ່ນ: ລູກລືມພໍ່ແມ່, ຜົວລືມເມຍ, ອ້າຍລືມນ້ອງ, ນ້ອງລືມເອື້ອຍ,
ເພື່ອນລືມໝູ່, ລູກນ້ອງລືມຫົວໜ້າ, ຫົວໜ້າລືມລູກນ້ອງ, ສິດລືມອາຈານ, ສ່ຽວກໍ່ລືມສ່ຽວ..ແລະ...ອື່ນໆ ....ກໍ່ເກີດຂື້ນ ຫລາຍແລະຫລາຍໃນສັງຄົມ.
ມີຫຼາຍຄົນເຄີຍເລົ່າໃຫ້ຟັງວ່າ: ບາດຕອນແຕ່ກ່ອນ, ຕອນຍັງບໍ່ມີຖານະດີ, ຕອນເປັນຄົນທຸກຄົນຍາກ ພັດມີ ຄວາມຮັກແພງກັນດີ, ເຂົ້າອົກເຂົ້າໃຈກັນ, ແຕ່ແຕ່ພໍມີຖານະ ຍົດສາບັນດາສັກ, ຫລື ຮັ່ງມີຂື້ນມາ ພັດຕ່າງ ຝ່າຍຕ່າງບໍ່ງໍ້ ກັນ, ຕ່າງຝ່າຍກໍ່ມີຄວາມທະນົງຕົວໃນຕົວເອງຫລາຍຈົນເກີນເຫດ, ບາງ ເທື່ອຖ້າ ຜູ້ນື່ງ ມີຖາ ນະດີພັດດູຖູກ ອີກ ຝ່າຍທີ່ຍັງດ້ອຍກວ່າ. ຫລືບາງຄັ້ງຜູ້ມີຖານະດີ ອາດຍັງຮັກແພງເພື່ອນທີ່ຍັງດ້ອຍກວ່າ, ແຕ່ເພື່ອນທີ່ດ້ວຍ ກວ່າ ພັດອິດສາແລະມີແນວຄິດອັກຄະຕິກັບເພື່ອນທີ່ມີຖານະກວ່າ....ອັນນີ້ກໍ່ເກີດຂື້ນປະຈຳ.
ຍິ່ງສັງຄົມພັດທະນາໄປ, ມີວັດຖຸແລະສິ່ງອຳນວຍຄວາມສະດວກມີຫລາຍຂື້ນ ມັນພັດເຮັດໃຫ້ຄວາມເປັນ ເພື່ອນ ແລະຄວາມຮັກຂອງມະນຸດ ເຮົາລຸດ ໜ້ອຍລົງເລື້ອຍໆ..., ແລະ ທ້າຍສຸດແລ້ວມີຄວາມກຽດຊັງ, ຄວາມອິດສາ, ແລະ ຄວາມເປັນສັດຕູ ເຂົ້າມາແທນຄຳວ່າ ເພື່ອນແລະຄວາມຮັກ. ຂ່າວດີ....ທຸກຄົນ ຍັງມີເວລາຢູ່ ເພື່ອເຮັດ ຄວາມດີກັບເພື່ອນແລະຄົນຮັກທີ່ດີໆຂອງທ່ານ. ເພາະຊີວິດເຮົາມັນ ແສນສັ້ນເຫລືອ ເກີນ, ມີຫລາຍຄົນ ມີອາຍຸ ບໍ່ຮອດຮ້ອຍປີ. ດັ່ງນັ້ນ
ຢຸດທຳຮ້າຍຈິດໃຈຂອງເພື່ອນ, ແລະຄົນທີ່ຮັກທ່ານຕັ້ງ ແຕ່ມື້ນີ້ເປັນຕົ້ນໄປ... ແລະທ່ານ ຕ້ອງປັບຕົວທ່ານ ດ້ວຍການໃຫ້ ເວລາແກ່ເພືອນຂອງທ່ານ, ໃຫ້ຮອຍຍີ້ມ, ໃຫ້ຄວາມອົບອຸ່ນ, ໃຫ້ຄວາມຮັກ, ໃຫ້ຄວາມຈິງໃຈ ແລະ ຄວາມເອົາໃຈໃສ່ເຂົາຫລາຍເທົ່າທີ່ ຈະເປັນໄປ ໄດ້... ແລ້ວທັງທ່ານແລະເຂົາກໍ່ຈະມີ ຄວາມສຸກຫລາຍທີ່ສຸດ ຈົນຄົນອື່ນອິດສາ ຂໍໃຫ້ທ່ານຜູ້ອ່ານຈົງມີຄວາມ ຮັກ, ຄວາມສຸກ ແລະ ຄວາມຈະເລີນໄປພ້ອມໆກັບເພື່ອນແລະຄົນທີ່ເຮົາຮັກດ້ວຍເຖີດ....
ຂ້າພະເຈົ້າຂໍອຸທິດປື້ມຫົວນີ້ໃຫ້ແກ່: ແມ່ຕູ້ຍ່າ ແສນພັກດີ ບູລົມ, ຜູ້ໄດ້ລ້ຽງດູແລະແນະນຳ ຄຳສຸພາ ສິດຫລາຍໆ
ຄຳຕັ້ງແຕ່ຂ້າພະເຈົ້າຢູ່ໂຮງຮຽນປະຖົມເປັນຕົ້ນມາ. ນອກນັ້ນ ຂ້າພະເຈົ້າຂໍສະແດງຄວາມຮູ້ບຸນຄຸນກັບບັນດາທ່ານ ນັກປັດສະຍາແລະຜູ້ຮູ້ແຈ້ງ ຈາກທຸກມຸມໂລກທີ່ໄດ້ ຊອກຫາບັນດາຄຳສັ່ງສອນຕ່າງໆໃຫ້ແກ່ສັງຄົມມາ ຫລາຍໆ ຮ້ອຍ ຫລາຍ ພັນ ປີທີ່ຜ່ານມາ. ເຊິ່ງຜົນງານຂອງພວກທ່ານໄດ້ຖືກນຳມາລົງໃນປື້ມຫານີ້ດ້ວຍ.
ໃນນາມຜູ້ຂຽນແລະຮີບໂຮມ ຂ້າພະເຈົ້າຍິນດີ ຕ້ອນຮັບເອົາຄຳຕຳໜິຕິຊົມທຸກຢ່າງຈາກບັນດາທ່ານ ຜູ້ອ່ານ.
ທັງນີ້ກໍ່ຈະໄດ້ເອົາໄປປັບປຸງໃນ ໂອກາດ ຕໍ່ໆໄປ.
ກະລຸນາສົ່ງຄຳແນະນຳ ຫລືຄຳຄິດເຫັນຂອງທ່ານໄປຍັງ: ສູນທີ່ປຶກສາ ແທັກໂດ.
ຕູ້ ປ.ນ 7382, ນະຄອນຫລວງວຽງຈັນ ຫລື ອີເມວ: tacdocenter@yahoo.com
ອາຈານ ຄຳພັດ ບູລົມ
ອຳນວຍການ ສູນທີ່ປຶກສາ ແທັກໂດ
ທີ່ປຶກສາດ້ານ ການເງິນຈຸລະພາກ, ການບໍລິຫານທຸລະກິດ ແລະ ການເປັນຜູ້ນຳ ແລ ຜູຈັດການທີ່ເກັ່ງ